صور نادرة: ليلى علوي مع شقيقتها (ممثلة معتزلة) والجمهور: “مين فيكم ليلى”؟

ونشرت ليلى علوي صور لشقيقتها، وعلقت وكتبت “4 ديسمبر، يوم ما اتولدت أختى الصغيرة كان يوما مهما جداً فى حياتى، ومش ممكن أنساه كنت فرحانة إن بقى ليا أخت، وإنى هلعب معاها بس زعلت أوى يوميها عشان ماما باتت فى المستشفى، وما كانتش بايتة فى البيت”. وأضافت ليلى علوى، “بس تانى يوم لما روحت وشوفتها حبيتها علطول، وكنت حاسة إنها العروسة بتاعتى اللى هاخد بالى منها ولغاية النهاردة بس الآية اتقلبت، بقت هى اللى بتاخد بالها منى وهي العيلة والسند وضهرى وهى اللي بتحفزنى على كل حاجة حلوة فى الحياة بعشقها وبحبها هى إنسانة نادرة بأخلاق الأمراء بجد هي وجوزها وطلعت بناتها كده كمان”. واختتمت قائلة: “بحبك يا أحلى أخت فى الدنيا يا بنتى وصاحبتى وكل حاجة في الدنيا.. بوسة كبيرة وربنا يخلينا لبعض”.

لمياء علوي بطلة أفلام سينمائية في فترة الطفولة
لمياء علوي شقيقة الفنانة ليلى علوي قد شاركت من قبل في عدد من الأعمال الفنية أثناء طفولتها فبدأت مع برامج الإذاعة والتفلزيون ثم شاركت في أعمال سينمائية بدور طفلة من أبرزها فيلم “من أجل الحياة” 1977والذي شارك في بطولته كل من الفنان رشدي أباظة، والفنانة شويكار، كما شاركت في فيلم “فتاة تبحث عن الحب” مع كل من الفنان نور الشريف، ويسرا، وعماد حمدي، ولم تشارك بعد ذلك في أي أعمال فنية.

ليلى علوي تكشف أسباب اعتزال شقيقتها التمثيل
من ناحية أخرى، تحدثت الفنانة ليلى علوي عن شقيقتها الصغرى “لمياء”، وتفاصيل اعتزالها العمل الفني في سن صغيرة، وذلك خلال حوارها مع الإعلامية منى الشاذلي في برنامج “معكم”، على قناة cbc. وأوضحت ليلى، أنها كانت تشارك في برامج الأطفال قديما، بينما شقيقتها كانت أصغر منها سنا، وشاركت في أحد الأفلام مع الفنان نور الشريف والفنانة هند رستم، تلاه فيلم “من أجل الحياة” من بطولة الفنان رشدي أباظة والفنانة شويكار، وكانت محبة ومتقنة لعملها الفني. تابعت: “لما بدأت تكبر أتعرض عليها شغل في أعمال تانية لكنها رفضت وقررت توقف.. وقالت جملة لا يمكن أنساها خلتني مندهشة أنا ووالدتي.. قالت لنا أنا عايزة حياتي تبقى ملكي مش ملك حد.. هي أصغر مني وبتفهم أكتر مني، عشان كده فعلا حياتها دلوقت بقت ملكها وملك عيلتها الجميلة”.