تعتبر اغنية "الراجل ده هيجنني"، من أشهر ثنائيات "الدويتو" في رمضان ايام زمان. وهو يجمع بين فؤاد المهندس وصباح . وهذه الاغنية علامة من علامات شهر الخير، تنتقد بعض السلبيات الاجتماعية التي تتكرر في شهر رمضان، وتم تقديمها بشكل كوميدي يجمع روح صباح المرحة وخفة ظل فؤاد المهندس. ويتم النقد بطريقة كوميدية غنائية خفيفة دم مقبولة على الجميع وهي بمثابة خناقة لطيفة بين الزوجين.
الأغنية إنتاج 1961 كتب كلماتها الشاعر حسين السيد بطريقة بسيطة خفيفة يرصد من خلالها واقع يعيشه معظم البيوت المصرية في نار رمضان حيث يبالغ الزوج ويطلب من زوجته أصناف عديدة من الأكل. تقول صباح "الراجل ده هيجنني هيجنني.. طير مفاتيح عقلي مني هيجنني.. ييجي رمضان وخناقه يزيد!! عايز طباخة سكة حديد!! اللحمة 3 أشكال وطيور بجنيه وريال.. ويوماتي رز ومكرونة وكنافة باللوز وعلب تونة.. غير الصلطات والمحشيات والمشويات والحلويات"
بينما يرد فؤاد المهندس ويبدو عليه الاستسلام "يا إخواتي صايم وراجل شقيان ومراتي عايزة تجوعني حتى في رمضان". وكان محمد الموجي حريص أن يأتي اللحن مناسب لخفة ظل فؤاد المهندس كذلك إخراج محمد سالم المتميز حتى خرجت الأغنية التي أسمها الأصلي "رمضان قال إحمدوه" في هيئة تحفة فنية حققت نجاحا كبيرا عندما عرضت في رمضان 1962 وكان الجمهور يطلب سماعها من صباح وهي تحيي حفلاتها وظلت الأغنية حتى الآن تعيش بينا وماركة مسجلة تعرض في رمضان.
تقول كلمات الاغنية:
الراجل دة هيجنني .. هيجنني
طير مفاتيح عقلي مني.. هيجنني
يجي رمضان.. وخناقه يزيد.. عايز طباخة سكة حديد
اللحمة 3 أشكال .. و طيور بجنيه و ريال
ويوماتي رز ومكرونة .. وكنافة باللوز وعلب تونة
غير السلطات .. والمحشيات .. والمشويات .. والحلويات
وإن قلت ياخويا الأكل كتير .. الاكل كتير
وبلاش بعزقة و بلاش تبذير .. وبلاش تبذير
يصرخ و يقول:
يا خواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
رمضان الزمن الجميل: فيديو خناقة صباح وفؤاد المهندس في
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
يجي من العصر للمغرب و حريقة تطير
و يخش المطبخ و يقوم زعابيب قمشير
عملينلنا وزة بالخلطة و بفتيك و صينية مكرونة بس!!!
وخضار صنفين و كباب حلة وضرمة باللحمة المفرومة بس!!!
طب فين اللحمة المشوية و الفتة فين والتقلية؟؟
والسمك البوري اللي أنا جايبه
راح فين و الشوربة فين هي؟؟
وإن قلت ياخويا الأكل كتير .. الاكل كتير
وبلاش بعزقة و بلاش تبذير..وبلاش تبذير
يصرخ و يقول:ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
ونرص الأكل على السفرة أشكال و ألوان
والفول أبو زيت أصلي بحبه في فطور رمضان
يسيب الأكل كله و يمسك طبق الفول
ولقمة تجر لقمة يشبع و يقوم على طول
والأكل بحاله يتشال و الحال تاني يوم ه الحال
وإن قلت ياخويا الأكل كتير..
الاكل كتير وبلاش بعزقة و بلاش تبذير..
وبلاش تبذير يصرخ و يقول:
رمضان الزمن الجميل: فيديو خناقة صباح وفؤاد المهندس في
ياخواتي صايم و راجل شقيان
و مراتي عايزة تجوعني حتى في رمضان
دي مصيبة إيه دي؟
يا عالم فهموه رمضان ماعمروش قال كده
رمضان قال إحمدوه والحمد مش بالشكل ده
الراجل دة هيجنني
للتواصل معنا 