قام المجلس القومي للسكان بانتاج أغنية جديدة عن مشكلة الزيادة السكانية، وتأثيرها على الحياة في مصر من جميع النواحي، وقد تم اختيار الفنان الشعبي شعبان عبد الرحيم لاداء الاغنية التي هي من تأليف إسلام خليل، ومن إخراج إيهاب عبد اللطيف. وقدم المجلس القومي نسخة من الأغنية كهدية للتلفزيون المصري، وذلك بحسب طلب الدكتورة هالة يوسف مقررة المجلس . وتقول كلمات الأغنية:
اللي بيحب مصر ينزل يشتغل، دلوقتي مصر عايزة الجهد والعمل، عايز من مصر حقك؟ إديلها حقها، دى مصر خيرها علينا خدوا بالكم منها.. لازمنا جهد وعمل على كل شكل ولون، دلوقت سكان مصر 95 مليون، قاعدين نزيد ونزيد وما بيزدش الإنتاج، طب قول لي منين هنكفي أكل وتعليم وعلاج، الرغيف لو كفى اتنين ما يكفيش خمسة أكيد، عشان مواردنا قليلة والناس عمالة تزيد.
عايز ابنك يبقى في صحة ومفرع زى النخل؟ طبعا لو عدد الأسرة على قد البيت والدخل، هاتجوز بنتك قاصر، تتعب وهتدعي عليك، عايزينك أب معاصر دي بنتك نور عينيك، علم بنتك واحميها، من الجهل ومن التعتيم، هتربي ولادها كويس وهايطلع نشئ سليم.. مش كل شويه هنعمل ثورة ويبقي لها حصاد، لو كله يراعي ضميره، ما حناش هنلاقي فساد، بس خلاص".
ومن المقرر، أن يقوم المجلس باطلاق الأغنية أثناء المؤتمر القومي للسكان، والذى سيعقد يوم غد في 24 مارس / آذار، لذكرى مرور 20 عاما على عقد المؤتمر الدولي للسكان والتنمية في القاهرة علم 1994.
للتواصل معنا 