معجب يهاجم احمد السقا ثم يتراجع لان الصحافة نقلت الخبر دون اذنه!

تراجع احد المعجبين عن الهجوم على الفنان المصري احمد السقا بعد ان انتبه الى ان الاعلام تناقل خبر هجومه على السقا، فقام بحذف رده المسئ لاحمد السقا قائلا انه عاتب على الاعلام الذي نقل الخبر دون استشارته والحصول على اذن منه اولا! وقد بدأت المشادة عقب أن نشر احمد السقا صورة له، وهو يركب حصاناً، وكتب بعض الجمل تعقيبا على الصورة جاء فيها: لو كل واحد منا نظر لذاته ورضي، وابتعد عما في يد غيره، متمنيا له الخير، سيعيش ملكاً راضياً.

فرد معلقا على صور احمد السقا احد متابعيه في صفحته الشخصية على موقع التواصل الاجتماعي "فيس بوك" ويدعى عبد الرحمن النجدي قائلا أن احمد السقا لم يعش عيشة المصريين، واتهمه بالثراء الفاحش والتباهي بذلك وانه يركب حصانه وهو مستريح مستمتع في الفيلا خاصته قرب حمام سباحته ويتقاضى آلاف الجنيهات ويملك أفخم السيارات، لهذا هو يتكلم عن الرضا والقناعة، فهو لم يعان مثل باقي المصريين من ازدحام المواصلات ولا يشرب مياهاً ملوثة ولم تؤثر عليه البطالة. ثم قال متهكما على السقا: "لو عانيت مثلنا ما كنت قلت مثل هذا الكلام".

وقد حذف المتابع لاحقا رده الذي جاء فيه: مهو حضرتك راكب حصانك قاعد في فيلتك بتبلبط في حمام سباحتك أجرك بتاخده بالآلاف راكب عربيتك الفارهة، لازم طبعا تتكلم عن الرضا والقناعة إنما لو انت محشور في ميكروباص واللا اتوبيس والمياه إللي بتشربها لونها أصفر إللي بتشربها مش إللي بتستحمي بيها وده لو لاقيتها كمان ومش لاقي شغل مع إنك قدمت في عشروميت وظيفة وطرقت يجي عشروميت ألف باب ومفيش فايدة ومش لاقي حتة تسكن فيها ولا نايم على الرصيف من غير غطا مكنتش قلت البوقين دول، روح يا عم روح!.

ورد عليه احمد السقا قائلا: "يا أستاذ عبد الرحمن.. بعد التحيه... أنا باشتغل وأنا عندي 16 سنة بدأت كومبارس وربنا شاء إني أخش الأكاديميه وجتلي الفرصة وأنا ف تالتة جامعة مع الأستاذ أسامه أنور عكاشة ومسكت وراعيت ربنا فيها ولو حضرتك متابع هتتأكد من كلامي وشقيت وربنا الأعلم اللي الواحد شافه وأنت مابلومش على وجهة نظرك لأن السبب فيها مش حضرتك السبب فيها اللي بعض المستسهلين من أبناء مهنتي اللي خللوا الناس تظن إن إحنا بنروح نهزر وناخد فلوس ونركب عربيات ومعلومة لحضرتك أن فلوس أي عمل دي مش داخله جيبي دي رايحة لمنتج صرف فلوس علشان يعمل حاجه على الأقل تمتع الناس ده غير إنها فاتحة بيوت كتير من أول العامل اللي بيشيل المعدات والراجل اللي بيقعدك ف السينما وبتاع الفشار لغاية المنتج اللي بيدفع خمسين الميه ضرايب والممثلين اللي بيدفعوا خمسة وعشرين الميه ضرايب علشان الناس والبلد ومن غير محاضرات يا سيدى الفاضل هانفترض إن كلامك صح...توافق تاخد كل ما أملك واخد كل ما تملك بشرط أو رجاء.. تدينى عليهم عينك اليمين اللي بتشوف بيها وتاخد عيني اليمين..؟ تدينى أبوك بدل أبويا اللي واحشني؟ تبقى مسؤول ع تلاتين أسرة هتتحاسب عليهم يوم اللقاء... سيدي الفاضل ليس عتاب مني أو تأنيب ولكن توضيح وصدقني كأخ راجع نفسك في تقييم الأمور وأشكرك على الحسنات اللي إدتهالي من تجريحك فيه ولو إني مسامحك... تحياتي”.

وانقسم متابعوا احمد السقا بين داعمين معه وبين موافقين مع الشخص الذي هاجمه فقال احد المهاجمين: مع احترامي ليك يا فنان لكن كلامك مش صح علشان كلامك كلام روايات لانكم مش تعبانين في حاجة كل حاجة عندكم بالساهل فلوس وكل حاجة انما لو مطحونين في الحياة علشان تكسبو وتمشو بيوتكو بالحلال زي الناس عمرك ما كنت هتقول كده جرب تعيش يوم زي عامل او حرفي او موظف غلبان واكتبلنا هنا كان اخبارك ايه في اليوم ده اوعة تيجي تشتمنا بس هههههههههههههههه

بينما وافق معه البعض الآخر وهم الاكثرية وتضامنوا معه وراحو يردون على المعجب الذي اهان نجمهم المفضل احمد السقا ويهاجمونه بسبب اسلوبه في الهجوم والنقد الجارح الذي يدل عن عدم رضاه بما قسمه الله له، ووصفوه بالانسان الحقود الذي ينظر ويشتهي ما في يد غيره. وطلب هؤلاء من احمد السقا ان لا يتضايق من هذا الهجوم الحاقد..

وبعد ان تناقل الاعلام المصري والعربي خبر هذا المتابع الحقود سارع لتغيير رده قائلا ان الخبر الذي نشره الاعلام كان سطحيا ومستفزا..