نشر الفنان تامر حسني على صفحته الشخصية على موقع التواصل الاجتماعي "فيس بوك"، تعليقًا يوضح من خلاله حقيقة تسريب ألبومه الغنائي الجديد، الذي كان على وشك إطلاقه، وعبر "حسني" عن حزنه بسبب تسريب أغانيه.
تامر حسني - يا مالي عيني
وقال "حسني" بعدما أفرج عن إحدى أغنياته الجديدة والتي تحمل اسم "يا مالي عيني": "توضيح لمن يهمه الأمر الألبوم بالفعل إتسرب وده خطأ كبير من شركة توزيع مسؤوله عن توزيع الألبوم في الخارج كما وضحت لي شركة روتانا، ولكن قدر الله ما شاء فعل فإضطريت أنزل الأغاني عندي واللي مهون علي بصراحه ردود أفعالكم الجميله شكراً لكل الناس اللي كانت بتحاول تمنع تسريبه".
أما المتابعين فحاولوا مشاركته أحزانه والتخفيف عنه بالكلمات المشجعة، فقال حساب يحمل اسم "مصطفى مجدي": "تامر البومك ناجح من قبل ما يتسرب وإحنا هنشتري النسخة الأصلية وإحنا واثقين فيك وعايزينك تثق فينا أي حد ناجح ليه ناس بتحب تبوز نجاحه مش هنسمح بكده، إحنا على الحلوة والمرة معاك صدقني يا تامر ده الوقت اللي إحنا هنقف فيه جنبك وقفت رجالة وايد واحدة أنت ياما فرحتنا وإحنا لازم نفرحك، كمان أنت نجم جيلنا ومطربنا المفضل وهنثبت للدنيا كلها أن تامر ملوش جمهور ليه شعب بيعشقه ولا يهمك يا تامر".
أما حساب يحمل اسم "معتز علي" فقال: "عمرو دياب حذر قبل كده و قال إنها شركة قذرة وهتضيع تعب أي مطرب مصري وأنتم مصدقتوش، حصل خير وجمهورك لازم يقف وراك زي ما وقفنا ورا الهضبة أنت مجتهد و متطور ومحبوب علشان كده ربنا هيكرمك و الألبوم إن شاء الله يكسر الدنيا". كذلك عبر حساب يحمل اسم "دودي حسين" قائلًا: "والله بجد انا زعلانة جدًا ولا يهمك ربنا والله مش بيضيع تعب حد وهتشوف يا تامر الألبوم هينجح ازاى إن شاء الله وإحنا معاك وفى ظهرك على طول وهنشترى بدل النسخة ألف ولا تيأس لنا رب كبير".
للتواصل معنا 