حلّ الفنان حسن الرداد ضيفاً على برنامج "صاحبة السعادة" الذي تقدّمه الفنانة إسعاد يونس حيث كشف عن علاقته بوالدَي زوجته الفنانَين الراحلَين سمير غانم ودلال عبد العزيز، بالإضافة إلى حديثه عن الاعتراف الغريب لزوجته الفنانة إيمي سمير غانم بحبّه له قدر حبها للكلاب.
وأكد الرداد أن سمير غانم ودلال عبد العزيز كانا من أجمل الشخصيات التي عرفها في حياته، فبجانب عشقه لسمير غانم كفنان صار يعشقه بصورة أكبر حين تعرف إليه وأصبح حماه، أما دلال عبد العزيز فهي دوماً كانت مبتسمة، وكانت تعتبره بمثابة ابنها حتى لو كان في خلاف مع إيمي.
حسن الرداد: "إيمي قالت لي إنها بتحبني زي ما بتحب الكلاب!" مدح أم ذم؟؟
كما ذكر موقفاً كوميدياً حصل مع زوجته حيث قال: "أنا طول عمرى ما بحبش الحيوان اللي حركته سريعة، وتاريخي مع القطط والكلاب زي الزفت، يعني كنت أنزل أجيب حاجة من الشارع ألاقي كلاب بتجري ورايا، فطلعت بخاف من الكلاب وبعتبرها عدو للإنسان، أما القطط أبقى في مكان ألاقي قطة ترعبنى فجأة، وأروح أي مكان ألاقي القطة تسيب الناس وتقعد جنبي".
وأضاف: "ولكن لما اتجوزت إيمي شفت الكلاب قد إيه بيعتبرها اللى بيربيها واحد من عياله، زي ما شفت إيمي عاملة مع الكلاب والقطط، وبتأكّلهم طول الوقت. وبعدها في مرة إيمي قالت لي واحنا قاعدين عارف يا حسن أنا بقيت بحبك قد الكلاب، فقلت لها ده مدح ولا ذم، قالتلي مدح طبعاً، ده أنا كنت بقول لبابا كده إن هو والكلاب أكتر حاجة بحبها في حياتي".
للتواصل معنا 